Линктер

ЧУКУЛ КАБАР!
29-ноябрь, 2020 жекшемби, Бишкек убактысы 22:35

ЭлТРге жетекчи болгон Шаиста Шатманова коркутууга кабылганын айтты


Шаиста Шатманова.

ЭлТРге жаңы жетекчи болуп дайындалган Шаиста Шатманова белгисиз кишилер аны коркутуп жатканын "Азаттыкка" билдирди.

"23-октябрда белгисиз бир нече эркек кеңсеге келип, кызматтан кетишимди талап кылышты. Өздөрүн премьер-министр, президенттин милдетин аткаруучу Садыр Жапаровдун атынан келдик деп тааныштырышты", - деди ал.

Шатманова мунун артында эмгек жамааттын ичине бүлүк салгысы келген күчтөр же Жапаровдун кадр саясатына кийлигишүү максатындагы кишилер турган болушу мүмкүн деп эсептейт.

Өкмөттүн Маалыматтык камсыздоо бөлүмүнүн башчысы Бактыбек Рысалиев бул окуядан кабарсыз экенин билдирди.

"Бир күн мурда Шатманова менен сүйлөшкөм. Ал арызданган эмес, иш өз нугунда уланып жатканын айткан", - деди Рысалиев.

Шаиста Шатманова ЭлТРге 16-октябрда директор болуп дайындалган. Каналдын кызматкерлери буга ачык нааразылык билдирип чыгышкан. (SE)

Пикирлерди көрүңүз (5)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG