Линктер

ЧУКУЛ КАБАР!
24-Июль, 2021 ишемби, Бишкек убактысы 19:36

COVID-19: күн сайын онго жакын киши каза болууда


Корутунду

"Азаттык" радиосу коронавирус пандемиясына байланыштуу Кыргызстандагы жана дүйнөдөгү маалыматтарды тынымсыз жарыялап келет.

2021-жыл, жума, 23-июлга карата маалымат:

Коронавируска каршы күрөшүү штабынын 23-июлдагы маалыматына караганда, акыркы бир сутка ичинде COVID-19 илдетинен 10 ​бейтап каза болду.

Саламаттык сактоо жана социалдык өнүктүрүү министрлигинин жаңы эсебине ылайык, коронавирус пандемиясы башталган 2020-жылдын март айынан бери илдеттин курмандыктары жалпысынан 2 227кишиге жетти.

Вирус акыркы бир суткада дагы 1 127 кишиден аныкталды.

Расмий маалымат боюнча ушуну менен пандемия башталгандан бери инфекцияны 155 005 адам жугузуп алды.

Бир суткада 1 396 киши айыкты. Жалпы айыгып чыккандардын саны 132 138.

Ооруканада 4 229 бейтап жатат. 15 845​ ​бейтап амбулатордук дарыланууда.

Бир суткада 28 медицина кызматкери ​коронавирус жугузуп алганы аныкталды. Жалпысынан республика боюнча COVID-19 жуккан кызматкерлердин саны 6 295ке жетти, алардын ичинен 5533 медкызматкер сакайды.

Бул сандар улам жаңыланып турат. Дүйнөдөгү кырдаалды бул шилтемеден билсеңиз болот.

20:00 23.7.2021

Дүйнөнүн бир катар мамлекеттеринин лидерлери коронавируска каршы эмдөөдөн өтүштү

19:59 23.7.2021

Коронавируска каршы күрөшүү штабынын 23-июлдагы маалыматына караганда, акыркы бир суткада COVID-19 вирусунан дагы 10 бейтап көз жумду. Бишкекте беш, Чүй, Талас облустарында экиден, Жалал-Абадда бир киши каза болду.

Саламаттык сактоо жана социалдык өнүктүрүү министрлигинин жаңы эсебине ылайык, Кыргызстанда коронавирус пандемиясы башталган 2020-жылдын март айынан бери анын курмандыктары жалпысынан 2 227 адамга жетти.

Вирус соңку бир суткада дагы 1 127 кишиден аныкталды. Алардын эң көбү Бишкек шаарында - 678 бейтап. Расмий маалыматка ылайык, ушуну менен вирус жуккандардын жалпы саны 155 005 адамга жетти. Андан 132 138 бейтап айыкты. Өлкөдө коронавирустун үчүнчү толкуну жүрүп жатат.

Ушул күндөрү 4 229 адам ооруканада дарыланууда. Алардын ичинен 243 бейтаптын абалы өтө оор, 1 186 кишиники оор деп бааланууда. Адистер расмий статистика чыныгы абалды чагылдырбай жатканын, ооругандар да, каза болгондор да андан көп экенин айтып келатышат.

Бир сутка ичинде өлкө боюнча дагы 28 медициналык кызматкерден коронавирус аныкталды. Ушуну менен жалпы 6 295 медкызматкерге COVID-19 жукту. Анын 5 533ү сакайды.

19:58 23.7.2021

Казакстанда соңку суткада коронавирус инфекциясынын жаңы 6 119 учуру лабораториялык жактан тастыкталды.

19:57 23.7.2021

COVID-19: Орусияга барган кыргызстандыктарга тест тууралуу талап өзгөрөт

Орусияга барган кыргызстандыктар 25-июлдан тартып коронавируска тапшырган тесттин жыйынтыгын уюлдук телефондогу “COVID-19cуз саякаттайм” деген тиркеме аркылуу көрсөтүшү керек. Бул тууралуу Кыргызстандын Министрлер кабинети кабарлады.

Ага ылайык, Орусия 20-июлда өлкөгө Евразия экономикалык биримдигине (ЕАЭБ) мүчө мамлекеттерден келген жарандарга жаңы талап киргизген. Тесттин жыйынтыгы Орусияга барарга үч күн калгандан кем эмес аралыкта чыгышы шарт.

Ал эми аталган уюмга мүчө мамлекеттерге Орусия аркылуу үчүнчү өлкөдөн келаткан жарандар ПЦР тестин, авиабилетин көрсөтүшү талап кылынат.

Министрлер кабинетинин басма сөз кызматы Кыргызстанда айрым жеке лабораториялар "COVID-19суз саякаттайм" маалымат тутумуна кошулганын белгиледи.

Орусиядагы мындай талап ушул жылдын 1-сентябрынан тартып КМШдагы айрым өлкөлөргө дагы колдонулат.

Дагы жүктөңүз

Facebook шеринеси

XS
SM
MD
LG