Линктер

ЧУКУЛ КАБАР!
25-ноябрь, 2020 шаршемби, Бишкек убактысы 17:07

«Samsung» корпорациясынын башчысы Ли Гон Хи каза болду


Ли Гон Хи.

Ли Гон Хи Сеул шаарында 78 жашында дүйнөдөн кайтты. Анын өлүмүнүн себеби ачык айтылган жок. Айрым маалыматтарга ылайык, ал алты жыл мурда жүрөгү кармап, ошондон кийин корпорация башчылыгын уулуна өткөрүп берген.

Ли Гон Хи Түштүк Кореядагы байлардын бири болгон. «Forbes» журналы анын байлыгын 21 миллиард долларга баалаган.

Ал «Samsung» корпорациясын 1987-жылдан бери жетектеп, кыска убакытта арзан товар чыгарган компанияны дүйнөдөгү электроника жана компьютердик техника чыгарган лидер ишканалардын катарына кошту.

Ли Гон Хиге бир нече жолу кылмыш иши козголгон. Анын ичинде мурдагы президент Ро Дэ Уга пара бергени тууралуу айып да бар. 2008-жылы ал салык төлөөдөн качканы үчүн шарттуу түрдө кесилип, «Samsung» компаниясынын жетекчилигинен кеткен, бирок эки жылдан кийин өкүм кайра каралып, ишине кайтып келген.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG