Айдын бетиндеги кара чөйчөкчөлөрдөн суу табылды. Бул тууралуу Инфракызыл астрономиянын герман-америкалык стратосфералык обсерваториясы - SOFIA (Stratospheric Observatory for Infrared Astronomy) маалымдады. Бул ачылыш жөнүндө макала «Nature Astronomy» журналына жарыяланды.
«Биз Айдын жарык тарабында суу бар экендигин аныктадык. Эми биз Айда суу бар экенин билебиз», - деп жарыялады НАСАнын астрофизика бөлүмүн башчысы Пол Херц. Анын сөзүнө караганда, бул ачылыштан соң, Айдагы ресурстарды космосту иликтөөгө жумшоо маселесин карап көрүүгө болот.
