2-ноябрда вице-премьер-министр Максат Мамытканов Ысык-Көл облусунун активине өкмөттүн аймактагы жаңы дайындалган өкүлү Элчибек Жантаевди тааныштырды.
47 жаштагы Элчибек Жантаев ушул жылдын июль айынан тартып өкмөттүн Ысык-Көлдөгү өкүлүнүн биринчи орун басары болуп иштеп келген. Ага чейин төрт жыл Ак-Суу районунун акиминин биринчи орун басары болгон.
Ал өз эмгек жолун Ак-Суу районунун Дзержинск совхозунда эсепчи болуп баштаган болчу. Буга чейин Ысык-Көл облусундагы өкмөттүн ыйгарым укуктуу өкүлү болуп Балбак Түлөбаев иштеп турган.
Ал өткөн жумада Бишкек шаарынын башчысынын убактылуу милдетин аткаруучу болуп дайындалды. (KS)