Линктер

ЧУКУЛ КАБАР!
1-декабрь, 2020 шейшемби, Бишкек убактысы 02:59

«Адилет» укуктук клиникасы президенттикке талапкерлерге кайрылды


Иллюстрациялык сүрөт.

«Адилет» укуктук клиникасы президенттикке талапкерлигин коюп жаткан саясатчыларга кайрылып, шайлоо алдындагы программасында бир нече орчундуу суроого жоопторду камтууга чакырды.

Алардын биринчиси «Саясий кризистен чыгуунун жолу кайсылар?» деген суроо болушу керек экенин белгилеген уюм парламенттин легитимдүүлүгүн камсыз кылуу олуттуу маселе экенин, себеби азыркы чакырылыштын мыйзамдуу мөөнөтү 28-октябрда аяктаганын билдирди.

Мындан тышкары, президенттикке талапкерлер экономикалык кризистен чыгуунун жолдорун сунуш кылып, программасын ишке ашыра турган күчтүү команда топтошу керек экендиги, ар бири конституциялык реформага мамилеси кандай экенин ачык билдириши зарыл болору айтылды.

Кыргызстанда мөөнөтүнөн мурда президенттик шайлоо 10-январга пландалууда. Бүгүнкү күнгө карата талапкерлигин коюп жаткан саясатчылар жетөө. Алар - Адахан Мадумаров, Арстанбек Абдылдаев, Кубан Чороев, Назарбек Нышанов, Бектур Асанов, Бакыт Бакетаев жана Канатбек Исаев. (RK)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG