Президенттин милдетин аткаруучу өкмөт башчы Садыр Жапаров бүгүн, 9-ноябрда иш сапар менен Нарын облусун кыдырууда. Ал бир катар социалдык объектилерди кыдырып, облустун коомчулук өкүлдөрү менен жолугушуу өткөрөт.
Мындан тышкары Жапаров Жогорку Нарын ГЭС каскады курула турган жерге барат.
2012-жылы Кыргызстан жана Орусия өкмөттөрү Камбар-Ата-1 жана Жогорку Нарын ГЭС каскадын куруу боюнча макулдашууга кол койгон. Бирок бул боюнча иш үзгүлтүккө учурагандыктан 2016-жылы Кыргызстандын демилгеси менен макулдашуу денонсацияланган. (RK)
