Линктер

ЧУКУЛ КАБАР!
23-Январь, 2021 ишемби, Бишкек убактысы 03:38

Бириккен Араб Эмираттарында жарандык никеге уруксат берилди


Бириккен Араб Эмираттарындагы Дубай шаары.

Бириккен Араб Эмираттардын мыйзамдарына киргизилген өзгөртүүлөргө ылайык, никеге турбаган түгөйлөр чогуу жашай алышат. Ошондой эле спирт ичимдиктерине тыюу салган мыйзам бир аз жумшартылды. Мындан ары жашы 21ден өткөндөргө алкоголдук ичимдиктерди колдонууга, сактоого жана сатууга уруксат берилет.

«Реформалар өлкөнүн экономикалык жана социалдык абалын жакшыртууга жана «Бириккен Араб Эмираттарындагы сабырдуулук принциптерин» бекемдөөгө багытталган», деп билдирди WAM мамлекеттик агенттиги.

Бириккен Араб Эмираттарынын башчысы Халифа ибн Заид Ал-Нахайян мыйзамдагы жаңы өзгөртүүлөргө кол койгону кабарланды.

Мындан бир аз мурда АКШнын ортомчулугу алдында Бириккен Араб Эмираттары Израил менен алакаларын жөнгө салган. Ушундан улам израилдык туристтердин агымы жана инвестициялар келиши күтүлүүдө.

«Associated Press» белгилегендей, бийлик бул кадамга Дубайда өтө турган дүйнөлүк көргөзмөнү утурлай барды. Быйыл күзүндө өтө турган EXPO-2020 иш-чарасы коронавирус пандемиясына байланыштуу кийинки жылга калган.

Пикирлерди көрүңүз (19)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG