Линктер

ЧУКУЛ КАБАР!
5-декабрь, 2020 ишемби, Бишкек убактысы 06:07

Путин: Кыргызстан соңку окуяларды өз алдынча териштирип алышы керек


Владимир Путин, Орусиянын президенти. Архивдик сүрөт.

Орусиянын президенти Владимир Путин Кыргызстан соңку окуяларга байланыштуу чечимдерди өз алдынча кабыл алышы керек деп эсептейт. Бул тууралуу ал 10-ноябрда Шанхай кызматташтык уюмунун (ШКУ) онлайн саммитинде сүйлөп жатып айтты.

Путин Беларустагы абалга токтолуп, бул өлкө “тышкы күчтөрдүн соккусуна” кабылып отурганын белгиледи. Ошону менен катар ал “Беларустарга баарын өз алдынча, тынч териштирип алууга жана тийиштүү кадамдарды жасоого мүмкүнчүлүк берүү зарыл. Бул маселе толугу менен Кыргызстандагы соңку окуяларга жана Молдовадагы ички саясий күрөшкө да тийиштүү” деди.

ШКУ уюмунун саммити коронавирус пандемиясына байланыштуу аралыктан өтүп жатат. Ага уюмга мүчө мамлекеттердин башчыларынын катарында Кыргызстандын президентинин милдетин аткаруучу премьер-министр Садыр Жапаров да катышууда.

4-октябрда Кыргызстанда өткөн кезектеги парламенттик шайлоодон кийинки нааразылык өлкөдө бийликтин алмашуусуна алып келген. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG