Линктер

ЧУКУЛ КАБАР!
27-ноябрь, 2020 жума, Бишкек убактысы 23:49

Якутияда жети киши антисептикке ууланып каза болду


Антисептик.

Орусиянын курамына кирген Якутияда кол тазалоочу антисептикке ууланган жети киши жашоо менен кош айтышты. Дагы экөө комада жатат.

"Интерфакс" Роспотребнадзордун жана Тергөө комититенин маалыматына таянып 21-ноябрда кабарлагандай, үч күн мурда Томтор кыштагынын тургундары беш литр антисептик сатып алып ичишкен. Кол тазалоочу каражатка уулангандардын үчөө ошол күнү, дагы төртөө эртеси көз жумган.

Экспертиза көрсөткөндөй, антисептикте 69% өлүмгө дуушар кыла турган уулуу метил спирти бар. Жети кишинин өлүмүнө себеп болгон антисептиктин ошол түрү сатыктан алынып, ишканада өндүрүлгөн бөлүгүнө арест коюлду.

Коронавирустун жайылышы менен көп колдонула баштаган антисептикке ууланып каза болгондор буга чейин Индияда, Түркияда катталган.

Орусияда 2016-жылы "Боярышник" деп аталган ичимдикте айнек тазалоочу уулуу спирт бар экени аныкталып, аны колдонууга сот тыюу салган. Анда "Боярышникке" ууланган 76 киши өлгөн. Күнөөлүү деп табылган жети киши 7-9 жылга камалган.

Пикирлерди көрүңүз

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG