Линктер

ЧУКУЛ КАБАР!
15-Январь, 2021 жума, Бишкек убактысы 21:07

Бишкекте пандемиядагы үй-бүлөлүк зомбулукка каршы конференция өтөт


Иллюстрациялык сүрөт.

25-ноябрда Бишкекте пандемиядагы гендердик жана үй-бүлөлүк зомбулукка каршы күрөшүүгө арналган конференция өтөт. Иш-чара «Covid-19 пандемиясы учурундагы гендердик жана үй-бүлөлүк зомбулукка каршы күрөш: үй-бүлөдөгү зомбулуктун алдын алуу, жетишкендиктер жана сабактар» деген темада болот. Бул тууралуу уюштуруучулар кабарлашты.

Ошондой эле жыйында АКШнын Эл аралык өнүктүрүү агенттиги (USAID) тарабынан каржыланган уюмдардын алты айлык долбоорунун натыйжасы талкууга алынат. Иш-чарага эксперттер, мамлекеттик орган жана өкмөттүк эмес уюмдардын өкүлдөрү чакырылды.

Жай айында USAID тарабынан 11 уюмга пандемия учурундагы гендердик жана үй-бүлөлүк зомбулуктан жапа чеккен адамдарды колдоо үчүн гранттык акча каражаттары бөлүнгөн.

Пандемия башталгандан бери Кыргызстанда үй-бүлө зомбулугу 70% көбөйгөн. Жарым жыл ичинде милицияда 2019 зомбулук учуру катталган. Бул былтыркы жылга салыштырмалуу 65% көп.

2019-жылы өлкөдө үй-бүлөдөгү зомбулукка байланыштуу 5 миңден ашуун факты катталган. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG