Көмүрү менен сыймыктанган, 152 жылдык тарыхы бар Сүлүктү шаары эгемендик жылдары кыйын күндөрдү баштан кечирди. Калкынын саны жылдан жылга өсүп аткан бул шаарда турак жай тартыш, социалдык көйгөйлөр чечиле элек. Шаардын ишке жарамдуу калкы эски шахтадан көмүр казып, жан багат. Алар көмүр эле эмес, башка өндүрүш да жанданса, жаңы ишканалар болбосо да эскилер кайрадан ишке кирсе деп тилек кылышат.