Линктер

ЧУКУЛ КАБАР!
5-Март, 2021 жума, Бишкек убактысы 19:24

Арменияда оппозициянын акциялары башталды


Еревандагы акциядан бир көрүнүш. 8-декабрь, 2020-жыл.

Арменияда оппозициянын тарапкерлери өлкөнүн борбору Ереван баштаган бир нече шаарда акцияларды өткөрүп жатат. Мындай акциялар оппозиция премьер-министр Никол Пашинянды кызматтан кетишин талап кылган мөөнөт аягына чыккан 8-декабрда башталды.

«Никол, чыккынчы», «Николсуз Армения» деген ураандарды чакырган жүздөгөн адамдар Еревандын көчөлөрүнө чыгып, шаардагы автоунаа кыймылын бууду. Акциянын бир нече катышуучусун милиция кармады.

Митингдер Гүмрү, Ванадзор сыяктуу башка шаарларда да өттү.

Оппозициячыл «Армян революциячыл федерациясы» партиясынын лидери Ишхан Сагателян премьер-министр Пашиняндын кызматтан кетишин талап кылды. Ал күч түзүмдөрүнүн кызматкерлерин өкмөт башчынын буйруктарын аткарбоого чакырды.

Буга чейин оппозиция өкмөт башчынын кызматтан кетишине 8-декабрга чейин мөөнөт берген. Никол Пашиняндын кызматтан кетишин баш-аягы 17 партия талап кылып жатат жана алар «Ата Мекенди коргоо» кыймылына биришкен. Бул кыймыл өкмөт башчылыкка Улуттук-демократиялык бирикменин лидери Вазген Манукяндын талапкерлигин көрсөткөн.

Никол Пашиняндын саясий салмагы 10-ноябрда Тоолуу Карабактагы куралдуу кагылышты токтотуш үчүн Азербайжандын жана Орусиянын президенттери менен макулдашууга кол койгондон кийин кескин азайды. Документти көпчүлүк армяндар Еревандын жеңилиши катары кабыл алышты.

Келишимге ылайык, Азербайжан уруш маалында өз көзөмөлүнө алган Тоолуу Карабактагы жана анын айланасындагы жерлерди башкарып калат. Аймактагы коопсуздукту сактоого 2000ге жакын ашуун орусиялык бейпилдик күчтөрү көмөктөшөт.

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG