Линктер

ЧУКУЛ КАБАР!
22-Сентябрь, 2021 шаршемби, Бишкек убактысы 20:26

Орусияда үйлөнүү тоюнда тартылган тасмадан улам жубайлар чыккынчылыкка байланыштуу айыпталып, кесилди


Антонина Зимина жана күйөөсү Константин Антонец.

Орусиянын Калининград облусунда Горчаков фондунун кызматкери Антонина Зимина жана күйөөсү Константин Антонец мамлекетке чыккынчылык кылды деген айып менен узак мөөнөткө түрмөгө кесилди. Сот чечимине ылайык, Антонец 12,5 жылга, ал эми Зимина 13 жылга эркинен ажыратылды.

Соттолгон жубайларга карата кылмыш иши 2018-жылы козголгон. Андан бери иш жабык режимде каралып келген.

Азыр маалым болгондой, кылмыш иши жубайлардын үйлөнүү тоюнда тартылган видео тасмада Федералдык коопсуздук кызматынын кызматкери түшүп калган соң козголгон. Бул тасмадан Латвиянын атайын кызматтары орусиялык тыңчыны таанып калышкан. Адвокаттар коопсуздук офицери мас абалында иши тууралуу өзү айтып бергенин билдиришүүдө. Бирок мамлекеттик айыптоо жубайлар атайын жашыруун маалыматты Литвага берген деп эсептейт.

Зимина жана Антонец өздөрүнө коюлган айыпты четке кагып, кылмышты мойнуна албай келатышат.

Учурда сот чечими күчүнө кире элек. Соттолуучулардын адвокаттары анын үстүнөн жогорку инстанцияга арызданууга камынып жатышат.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG