Линктер

ЧУКУЛ КАБАР!
25-Сентябрь, 2021 ишемби, Бишкек убактысы 07:03

Кыргызстан донорлордон быйыл 343 миллион доллар алды, анын негизги бөлүгү насыя


Иллюстрациялык сүрөт.

Быйыл донорлор Кыргызстанга жалпысынан 774 миллион долларлык жардам көрсөтүүгө убада беришти, бул акчанын 343 миллиону бөлүнүп берилди. Бул тууралуу Тышкы иштер министрлигинин (ТИМ) басма сөз кызматы кабарлады.

Мекеменин маалыматына караганда, 30-декабрда тышкы иштер министри Руслан Казакбаев Кыргызстандын чет өлкөлөрдөгү элчиликтеринин, эл аралык уюмдарга караштуу туруктуу өкүлчүлүктөрүнүн, башкы консулдуктардын жетекчилери менен онлайн кеңешме өткөрдү.

Анда узап бараткан жылдын жыйынтыгы чыгарылып, келерки жылга карата негизги милдеттер талкууланды.

ТИМ белгилегендей, Кыргызстан тыштан жардамды коронавируска каршы күрөш үчүн гана эмес, бюджетти колдоо үчүн да сурады.

Бөлүнүп берилген 343 миллион доллардын 271 миллиону насыя, 72 миллиону грант катары келди.

Быйыл 25-ноябрда кыргыз өкмөтү бюджетте акча тартыш болгондуктан пенсия, айлык жана башка социалдык төлөмдөрдү мамлекеттен эмес, сырттан келген карыз акчадан төлөп берип жатканын моюнга алган. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG