Линктер

ЧУКУЛ КАБАР!
28-Февраль, 2021 жекшемби, Бишкек убактысы 20:06

Молдовада өкмөт башчынын милдетин Аурел Чокой аткара баштады


Аурел Чокой.

Молдованын президенти Майя Санду өлкөнүн премьер-министринин милдетин аткаруучу кылып Аурел Чокойду дайындады. Бул тууралуу 31-декабрда Санду «Фейсбуктагы» баракчасына жазды. Чокой буга чейин тышкы иштер министри болуп иштеп келген.

Өлкөнүн буга чейин премьер-министри Ион Кику өткөн аптада кызматтан кеткен. Анын кабинетиндеги министрлердин көбү – москвачыл мурдагы президент Игорь Додонду колдогондор болчу. Премьердин милдетин аткара баштаган Аурел Чокой да буга чейин Додондун тышкы саясат боюнча кеңешчиси болуп иштеген.

Молдованын Конституциясына ылайык, президент премьердин милдетин аткаруучу кылып иштеп жаткан өкмөттөгү министрлердин бирин дайындаш керек.

Өткөн жылдын ноябрындагы шайлоодо жеңишке жетишкен Майя Санду 24-декабрда кызматка киришкен. Ал учурдагы парламентти таратып, жаңы шайлоо өткөрүүнү сунуш кылып келет.

Санду буга чейин жетектеп кеткен «Аракет жана тилектештик» партиясынын мүчөлөрүнүн парламентти таратуу боюнча сунушунун негизинде Конституциялык сотко кайрылган.

31-декабрда президент бул арыз бир нече күндөн кийин сотто караларын билдирди.

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG