Линктер

ЧУКУЛ КАБАР!
28-Ноябрь, 2022 дүйшөмбү, Бишкек убактысы 08:15

Сооронбай Жээнбеков кайсы башкарууну тандаганын сураган журналистке «президенттик» деп жооп берди


Сооронбай Жээнбеков, экс-президент.

Экс-президент Сооронбай Жээнбеков 10-январь күнкү референдумда журналисттин «Референдум боюнча кайсы форманы тандадыңыз?» деген суроосуна «президенттик» деп кыска жооп берди.

Экс-президенттин добуш берүүдөн чыгып кетип бараткандагы кыска комментарийи жазылган видеону reporter.kg порталы жарыялады. Анда экс-президенттин жообу чала угулганы менен, журналисттер аны «президенттик» деп кабылдашты.

Бишкектеги №5 мектептин имаратындагы добуш берүү тилкесине жансакчылардын коштоосуна келген Жээнбеков референдум жана президенттик шайлоо боюнча кеңири пикирин кийин айтарын билдирди.

62 жаштагы Сооронбай Жээнбеков Кыргызстандын президенти болуп алты жылдык мөөнөткө 2017-жылдын ноябрь айында шайланган. Ал буга чейин парламенттик башкарууну көздөгөн президент катары белгилүү.

2020-жылдын октябрында, парламенттик шайлоодон кийинки нааразылыктан кийин кызматын мөөнөтүнөн мурда тапшырып берүүгө мажбур болгон.

Бүгүн Кыргызстанда кезексиз президенттик шайлоо жана мамлекетти башкаруунун формасын тандоо боюнча референдум өтүп жатат. (SE)

XS
SM
MD
LG