Мамлекеттик каттоо кызматы 2020-жылы Кыргызстанда 40 миңден ашуун адам жашоо менен кош айтышканын билдирди. Бул сан 2019-жылга салыштырмалуу дээрлик жети миңге көп жана соңку он жылдагы эн жогорку көрсөткүч. Киши өлүмүнүн көбөйүшүнө коронавирус себеп экени айтылууда. Ошол эле учурда кышында көйгөйгө айланган ыш маселеси саламаттыкка олуттуу зыян келтирип жатканы белгиленген. Кыргызстанда адам өмүрүнө коркунуч алып келген жагдайлар тууралуу алдыда илимпоз, Кыргыз улуттук университетинин профессору Сайнаке Бообекова менен маектешебиз. Окумуштуу адамдардын өмүрүн кыскарткан, саламаттыкка олуттуу зыян келтирген фактор катары жаратылыштын булганышын эсептейт.