Улуттук коопсуздук боюнча мамлекеттик комитет (УКМК) Борбор Азия өлкөлөрүнө баңгизат ташуу жана сатуу үчүн туруктуу жол түзүп алган кишилер кармалганын билдирди. Мекеменин басма сөз кызматы тараткан маалыматка ылайык, кылмышка шектүү катары 55 жана 59 жаштагы жарандар УКМКнын Ош аймагындагы башкармалыгынын убактылуу кармоочу жайына киргизилди.
Атайын кызмат алардын автоунаасын жана үйүн тинтүүдө жалпы салмагы 600 граммдан ашык кара куурай табылганын билдирди.
Факт 22-январда Кылмыштар менен жоруктардын бирдиктүү реестрине катталып, сотко чейинки тергөө башталды. Учурда кылмышка шектүү башка жарандарды аныктоо иштери жүрүп жатат. (TSh)
