Жогорку Кеңеш өкмөттүн жаңы түзүмүн жана курамын бекитти. Парламенттеги көпчүлүк коалиция премьер-министрлик кызматка 2016-жылдан бери Эсеп палатасын жетектеп келе жаткан Улукбек Мариповдун талапкерлигин сунуш кылган. Коомчулукта жаңы өкмөттүн курамы, азыркы кыйын кырдаалдан чыгаруу дарамети, даярдыгы жана ага 6-октябрдагы окуялардын активдүү катышуучуларынын кирбей калганы талкууланып жатат. Кыргызстан кандай премьерге жана өкмөткө муктаж? Жаңы өкмөт батыл реформаларга барып, азыркы кризисти жеңилдете алабы?