Линктер

ЧУКУЛ КАБАР!
2-Март, 2021 шейшемби, Бишкек убактысы 17:09

Ат-Башыда жаңы гемодиализ борбору ачылды


Ат-Башыдагы гемодиализ борбору

Ат-Башы районунда жеке ишкерлердин демилгеси менен жети орундуу гемодиализ борбору ачылды.

Бул тууралуу "Азаттыкка" Ат-Башы районунун акиминин социалдык иштер боюнча орун басары Динара Жунусова кабарлады. Ат-Башы районунун Казыбек айылынын жеке ишкерлери Адыл Кудайбергенов менен Рустам Карыбеков Германиядан 7 жабдуу алып келишип, эки кабаттуу имараттын ичин оңдоп-түзөп, борборду иштете башташты.

Борборго эки дарыгер, эки медайым, эки санитарка жана бир ашпозчу ишке алынды. Мындан ары райондо гемодиализге муктаж болгондор бул борбордон дарылана алышат.

Дарылоо акысы Милдеттүү медициналык камсыздандыруу фонду аркылуу жүрүп, борбор мамлекеттик-менчик кызматташтык алкагында иштейт. Ат-Башы районунда гемодиализге муктаж бейтаптар мурда Нарындагы облустук ооруканага каттап турушкан.

Кыргызстанда 1500гө чукул адам гемодиализ алып, канын тазалатып турушат. (BCh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG