Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 16:00

“Аскер курулуштун” жетекчилери кылмышка шектелүүдө


“Семетей” госпиталы. Архив.

Кыргызстандын Аскер прокуратурасы «Аскер курулуш» мамлекеттик ишканасынын кызмат адамдары бюджеттик каражатка кол салган фактынын аныкталганын билдирди.

Башкы прокуратуранын басма сөз кызматы маалымдагандай, кылмышка шектелүүлөр «Ганси» авиабазасынын техникалык колдоо борборунун имараттарын обсервацияга даярдоого бөлүнгөн каражаттан өөнөшкөн.

Алар курулуш компаниялары менен сүйлөшүп алып, аткарылган иштин көлөмүн, ага жараша баасын жогорулатып, мыйзамсыз актыларды түзгөндүктөн мамлекеттик казынага 2,5 млн. сом зыян келтирилген.

Учурда бул факты Кылмыш жана жоруктардын бирдиктүү реестрине катталып, тергөө башталды.

2020-жылы коронавирус пандемиясы күч алган июнь-июль айларында Кыргызстандагы ооруканаларда орун жетишпей, бир катар бош имараттарда убактылуу стационарлар ачылган.

Өкмөт ошол кезде мурдагы «Ганси» авиабазасын «Семетей» госпиталы катары иштеткен. (TSh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG