Линктер

ЧУКУЛ КАБАР!
21-Сентябрь, 2021 шейшемби, Бишкек убактысы 06:25

Ооган кыргыздары Кабул шаарынан кыргыз бийлигине кайрылды


2017-жылдын 13-октябрында Нарынга келген памирдик кыргыздар.

Ооганстандык кыргыздар Кыргызстандын өкмөтүнө кайрылып, билим берүү, саламаттык сактоо өңдүү социалдык маселелерди чечүүгө жардам берүүнү суранышты. Бул тууралуу Кыргызстандын Ооганстандагы элчилигинен кабарлашты.

Кабул шаарына барган памирлик кыргыздардын ханы Махмуд Ажы Памири билдиргендей, балдарды окутуу, оорукана салуу – элдин көпчүлүгүнүн көксөгөн максаты. Анын айтымында, 2020-жылдын соңунда памирлик кыргыздардын өкүлдөрү ооган бийлигине да ушул маселеде кайрылышкан.

Жакында ооган өкмөтү Улуу жана Кичи Памирдеги кыргыздарга 10 млн. афгани өлчөмүндөгү тамак-аш азыктарын, кийим-кечеден турган гуманитардык жардам жөнөткөн. Бул – кыргыз сомуна эсептегенде 11 млн. сомго барабар.

Кыргызстан Ооганстандагы Улуу жана Кичи Памир кыргыздарына азык-түлүк, кийим-кече, дары-дармек буюмдарынан турган гуманитардык жардамдарды жыл сайын жеткирип турат.

Кыргыз элчиси Мирослав Ниязов президент Ашраф Гани менен жолугуп, бул маселеде баарлашкан. Ооган бийлиги этникалык кыргыздарга Тышкы иштер министрлигинен бир жана Улуттук Элдешүү Кеңешинен бир орун бөлүүгө убада берген.

Памирлик кыргыздарга Эл аралык Ага Хан фонду жыл сайын 50 миң доллар өлчөмүндөгү жардам берип келет.

Кыргыз өкмөтү 50дөй үй-бүлөнү алып келип, Ош жана Нарын облустарына жайгаштырган.

Пикирлерди көрүңүз (8)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG