Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 00:07

Баткенде жашырылган баңгизат жана курал табылды


УКМК тараткан сүрөт.

Баткен районунда баңгизат жана курал-жарактар, ок дарылар сакталган жер аныкталып, бул ишке тиешеси бар кишилерди аныктоо аракети көрүлүп жатат. Бул тууралуу Улуттук коопсуздук боюнча мамлекеттик комитеттин (УКМК) басма сөз кызматы маалымдады.

“Жашырылган жерден мылтыктын 5,45 жана 7,62 мм. калибрдеги 37 даана ок жана жалпы салмагы 250 граммдан ашык марихуана жыттанган зат табылды”, - деп билдирди атайын кызмат.

Факт боюнча 11-мартта Жазык кодексинин 253-беренеси (“Куралды, ок-дарыларды мыйзамсыз жүгүртүү”) боюнча Кылмыштардын жана жоруктардын бирдиктүү реестрине катталып, сотко чейинки териштирүү башталды. Табылган буюм, заттар экспертизага жиберилди.

Баткен - Тажикстан, Өзбекстан менен чектешкен аймакта жайгашкан облус. (TSh)

XS
SM
MD
LG