Линктер

ЧУКУЛ КАБАР!
23-Сентябрь, 2021 бейшемби, Бишкек убактысы 00:25

Ташиев Ташкентте өзбек премьери Арипов менен чек ара маселесин талкуулайт


Камчыбек Ташиев.

24-25-мартта Өзбекстандын борбору Ташкент шаарында кыргыз-өзбек чек арасынын делимитациясы жана демаркациясы боюнча өкмөт аралык сүйлөшүү өтөт. Кыргыз өкмөтүнүн маалыматына караганда, Кыргызстан тараптан жыйынга Улуттук коопсуздук боюнча мамлекеттик комитеттин (УКМК) төрагасы Камчыбек Ташиев, Өзбекстандан премьер-министр Абдулла Арипов баштаган расмий делегациялар катышат.

Кыргызстан менен Өзбекстан ортодогу мамлекеттик чек ара маселесин жакын арада, эң кеч дегенде үч айда чечмей болуп жатышканы 12-мартта президент Садыр Жапаровдун Өзбекстанга мамлекеттик сапары учурунда айтылган.

Өзбекстан менен 2017-жылкы макулдашуунун негизинде ортодогу чек ара сызыгынын 1170 чакырымы (85 процент), андан бери дагы 10 процентке жакыны такталган.

Кыргызстан төрт мамлекет менен чектешет. Казакстан жана Кытай менен чек ара тилкелери такталып бүткөн.

Тажикстан менен сүйлөшүүлөр 2002-жылы башталган, азыр ортодогу чек аранын 60 пайызга жакыны такталган.

Чек ара тактала элек тилкелерде жергиликтүү тургундардын суу жана жер талаш маселелери чыгып, курал колдонулган учурлар да катталып келет. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG