Линктер

ЧУКУЛ КАБАР!
22-Апрель, 2021 бейшемби, Бишкек убактысы 03:30

Элет аялдарынын шайлоодогу 30% квотасын колдогон акция өттү


Kyrgyzstan. Park "Yntymak". Trees. Ecology

Бишкекте бүгүн, 27-мартта аялдардын жергиликтүү шайлоолорго катышуусун активдештирүүгө арналган акция өттү. “Кыргызстанды чогуу өнүктүрөбүз!” акциясын Бириккен Улуттар Уюмунун өкүлчүлүгү уюштуруп, ага президент Садыр Жапаров, БУУнун Башкы катчысынын атайын өкүлү Наталья Герман, Борбордук шайлоо комиссиясынын жетекчилиги жана чет өлкөлөрдүн элчилери катышты.

Алар “Ынтымак” паркына 30 бактын көчөтүн отургузуп, аялдардын шайлоодогу 30 пайыздык квотасына колдоосун билдиришти.

Президент Садыр Жапаров жана БУУнун өкүлү Наталья Герман.
Президент Садыр Жапаров жана БУУнун өкүлү Наталья Герман.

Президент Жапаров айылдык кеңештердеги орундардын 30 пайызын аялдар үчүн калтырууну колдой турганын билдирип, жергиликтүү деңгээлде чечим чыгарууда гендердик теңчиликти камсыздоого мүмкүнчүлүк түзүлөрүн айтты. Ал кыргыз эли аялдарды жана алардын укуктарын ар дайым урматтап келгенин, буга Курманжан датка менен Кыз Сайкал мисал экенин белгиледи.

Акцияга президент, БУУ өкүлү, БШК жетекчилиги жана элчилер катышышты.
Акцияга президент, БУУ өкүлү, БШК жетекчилиги жана элчилер катышышты.

Айылдык кеңештеги орундардын 30 процентин аялдарга калтыруу тууралуу мыйзам 2019-жылы кабыл алынган. Бул эреже быйыл 11-апрелде өтө турган жергиликтүү шайлоолордо алгач ирет колдонулганы жатат. 7560 орундун 2943үн аялдар ээлеши керек болот. (RK)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.

XS
SM
MD
LG