Линктер

ЧУКУЛ КАБАР!
25-Май, 2022 шаршемби, Бишкек убактысы 10:21

«Кадастр» ишканасынын Оштогу филиалынын башчысы кармалды


Иллюстрациялык сүрөт.

Жер ресурстары агенттигине караштуу "Кадастр" мамлекеттик ишканасынын Ош филиалынын башчысы С.Б. 5-апрелде кармалды.

Улуттук коопсуздук боюнча мамлекеттик комитетинин (УКМК) маалымат кызматы ал жер пайдалануудагы коррупциялык схемаларды жоюу иштеринин алкагында кармалып, тергөө абагына киргизилгенин кабарлады.

Маалыматка ылайык, С. Б. кызмат абалынан кыянаттык менен пайдаланганы аныкталган. 2020-жылдын август айларында «Ош электро» ишканасы административдик имаратты сатуу боюнча аукцион өткөргөн.

Жыйынтыгында 8 млн. сомго жеке адамга сатылган. УКМК аймакта 1 сотых жер тилкесинин базар баасы 2,5 миллион сомдон жогору турарын белгилөөдө. Арзан сатылган имараттын жалпы аянты 600 чарчы метрден ашуун, 16,65 сотых жер тилкесинде жайгашкан.

УКМК С. Б. мындан тышкары имарат жайгашкан жерди мыйзамсыз менчиктештиргенин билдирди. Маалыматка ылайык, жер ижарага берилүүгө тийиш болгон.

УКМК тарабынан жер пайдалануудагы башка коррупциялык факторлорду аныктоо боюнча иштеп жатат.

Өткөн жылдын аягында, 2-декабрда Жер рестурстары боюнча мамлекеттик агенттикке караштуу «Кадастр» мекемесинин директору коррупцияга шек саналып кармалып, Улуттук коопсуздук боюнча мамлекеттик комитетинин (УКМК) тергөө абагына камалган.

7-декабрда мыйзамсыз акча чогултуу фактысы боюнча өкмөткө караштуу Жер ресурстары боюнча мамлекеттик агенттиктин директору УКМК тарабынан кармалган.

Ал атайын кызматтын Коррупцияга каршы күрөш кызматы тергеп жаткан иштеги сотко чейинки иштин алкагында Жер ресурстары боюнча мамлекеттик агенттикке караштуу «Кадастр» мамлекеттик ишканасынын аймактык бөлүмдөрүнүн жетекчилеринен мыйзамсыз акча алган туруктуу коррупциялык схема уюштурган деген шек менен кармалганы кабарланган. (ZKo)

Пикирлерди көрүңүз (2)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG