16-апрелде түнкүсүн Жалал-Абад, Нарын облустарынын кээ бир райондорунда жаан, тоолуу аймактарында кар жаайт, калган жерлерде жаан-чачын жаабайт. Күндүз Чүй, Нарын облустарынын кээ бир райондорунда, Ош, Жалал-Абад облустарынын тоо этектеринде жаан, Ысык-Көл облусунун тоолорунда кар жаайт, Талас, Баткен облустарында жаан-чачын жаабайт. Бийик тоолуу райондордо жолдор тоңголок, тайгак болот. Батыш тараптан келген шамалдын ылдамдыгы секундасына 4-9 метрге жетет.
Абанын температурасы:
Чүй облусунда түнкүсүн 5...10, күндүз 20…25;
Талас жергесинде түнкүсүн 4...9, күндүз 20…25;
Ош, Баткен, Жалал-Абад дубандарында түнкүсүн 7…12, күндүз 21…26;
Ысык-Көл жана Нарын облустарында түнкүсүн 2…7, күндүз 14…19;
Бийик тоолуу аймактарда түнкүсүн -8…-13, күндүз 0…5 градус болот.
Бишкекте жаан-чачын жаабайт. Абанын температурасы түнкүсүн 7…9, күндүз 23…25 градус.
