Линктер

ЧУКУЛ КАБАР!
28-Май, 2022 ишемби, Бишкек убактысы 20:15

Акын жана радиожурналист Тенти Орокчиев дүйнө салды


Тенти Орокчиев. Архивдик сүрөт.

Бишкекте Кыргыз Республикасынын маданиятына эмгек сиңирген ишмер, акын, котормочу жана радиожурналист Тенти Орокчиев 83 жашында дүйнө салды. Бул тууралуу «Азаттыкка» Кыргыз радиосунда аны менен бир топ жыл бирге иштешкен кесиптеши, журналист Жаныбек Эсеналиев билдирди.

Тенти Орокчиев Ысык-Көл облусунда Тоң районуна караштуу Көк-Сай айылында 1938-жылы 8-сентябрда төрөлгөн. 1974-жылдан тартып 2002-жылга чейин Коомдук телерадиокорпорациясында эмгектенген.

Анын «Мекенимди даңктаймын» аттуу алгачкы ырлар жыйнагы 1978-жылы жарык көргөн.

1991-жылы Орокчиевдин кыргыздын акын-жазуучулары менен курган радио маектери китеп болуп басылып чыккан.

Ал Кыргыз радиосунун «Казына» чыгармачыл-өндүрүштүк бирикмесиндеги эмгек жолунда очерк, композиция, эссе жана маек сыяктуу радио чыгармаларды камтыган 3,5 миңге жакын уктуруу даярдаган.

Соңку жылдары «Кыргыз руху» гезитинде баяндамачы, «Манас» радиосунда «Таберик» уктуруусунун автору жана алып баруучусу болуп иштеген.

Радиожурналисттик көп жылдык жана чыгармачыл эмгеги эске алынып Орокчиевге 1997-жылы Кыргыз Республикасынын маданиятына эмгек сиңирген ишмер, 1998-жылы КТРКнын отличниги деген ардак наамдар ыйгарылган. 1994-жылы ал эл аралык «Түгөлбай Ата» коомунун сыйлыгын алган.

Маркумду акыркы сапарга узатуу зыйнаты 16-апрелде саат 10:00дө КТРКда өтөт. Сөөгү “Ала-Арча” көрүстөнүнө коюлат. (MZh)

Пикирлерди көрүңүз (1)

«Азаттыктын» материалдарына пикир калтырууда төмөнкү эрежелерди так сактоону өтүнөбүз: кайсы бир саясий партияга, топко үгүттөгөн, же каралаган, бир нече жолу кайталап жиберилген, адамдын беделине шек келтирген, келекелеген, кордогон, коркутуп-үркүткөн, басмырлаган жана жек көрүүнү козуткан пикирлер жарыяланбайт. Эрежени сактабай жазылган пикирлер сайтка чыкпайт. Модератор пикирлерди жарыялоо же андан баш тартуу укугун өзүнө калтырат.
Бул шерине жабылды, эми талкуу "Фейсбуктагы" барагыбызда (Azattyk.unalgysy) уланат.

XS
SM
MD
LG