Брюховецкийлер таптаган аргымактар

Ысык-Көл облусунун Бостери айылында жашаган Брюховецкийлердин үй-бүлөсү дээрлик 50 жылдан ашык убакыттан бери күлүк таптап, аргымак багат. Эдуард өз маалында ат оюндары боюнча Советтер Союзунунун курама командасына мүчө болуп, Мексикага Олимп оюндарына чейин барган. Анын уулу Олег атадан үйрөнгөн өнөрдү кыздары улантып кетсе деп кыялданат. Айылда Олегдин күлүктөрүнө кызыккандар көп. Ал асыл тукум жылкынын тукумун үзбөй, сатыкка да чыгарбай, башын көбөйтүп келатат.