"Centerra Gold Inc." компаниясынын директорлор кеңешинин мурдагы мүчөсү Эдуард Кубатов Улуттук коопсуздук мамлекеттик комитетине (УКМК) суракка чакырылганытууралуу маалыматты четке какты. Ал атайын кызмат консультацияга чакырганын "Азаттыкка" билдирди:
"Менин суракка чакырылганым жөнүндө туура эмес маалымат тарап жатат. 9-июнда мен УКМКнын Коррупцияга каршы кызматына бардым. Биз "Центерранын" директорлор кеңешине байланыштуу сүйлөштүк. Бул кылмыш иши эмес, сурак эмес, консультациялык жолугушуу болду. Мен "Центерранын" айланасындагы жагдайды түшүндүрүп бердим",- деди Кубатов.
Ал "Центерранын" директорлор кеңешинде 2016-2019-жылдары иштеген.
УКМК соңку апталарда Кумтөр кениндеги коррупцияга байланыштуу бир катар аткаминерлерди кармап, айрымдарын суракка чакырууда
Facebook шеринеси