Президент Садыр Жапаров 24-июлда “Инсандын руханий адеп-ахлактык өнүгүүсү жана дене тарбиясы жөнүндө концепцияны бекитүү тууралуу” жарлыкка кол койду. Бул тууралуу мамлекет башчынын сайтында жазылды.
Анда жарандарды руханий адеп-ахлактык тарбиялоонун сапатын жакшыртуу, элдик каада-салттарды кайра жандандыруу, руханий бай инсанды калыптандыруу жана өнүктүрүү үчүн шарт түзүү максатында жана Конституциянын 66 жана 71-беренелерине ылайык токтом кылынары айтылат.
Инсандын руханий адеп-ахлактык өнүгүүсү жөнүндө 2021-2026-жылдарга карата концепциянын мазмунун бул жактан окуңуз.
Министрлер кабинетине концепцияны ишке ашыруу үчүн план иштеп чыгуу жана аны аткаруунун каржылык маселелерин чечүү үчүн үч ай убакыт берилди. (TSh)