Жамааттык коопсуздук келишими уюмуна мүчө мамлекеттердин башчылары Ооганстандагы абалды талкуулашып, чек арадагы ыктымал коркунучту алдын алууну сүйлөштү. Кыргызстан Ооганстандын жарандарына виза берүү боюнча убактылуу чектөөлөрдү киргизди. Мындай чара Ооганстандагы соңку аскердик-саясий кырдаалга байланыштуу кабыл алынды. Президент Садыр Жапаров Токиодогу XXXII жайкы Олимпиада оюндарынын байге ээлерине жана катышуучуларына мамлекеттик сыйлыктарды тапшырды. Спортчулар менен машыктыруучулар бийликтен шарт түзүп берүүнү сурады.