Линктер

ЧУКУЛ КАБАР!
3-Декабрь, 2022 ишемби, Бишкек убактысы 22:50

Түркмөнстанда бийлик узун кезектин айынан нанды таңда сатууну буйруду


Иллюстрациялык сүрөт.

Түркмөнстандын баш калаасы Ашхабаддын бийлиги мамлекеттик дүкөндөрдө узун кезектер көрүнбөш үчүн нанды таң жаңы атып келатканда сатууну буйруду. Бул тууралуу "Азаттыктын" түркмөн кызматы билдирди.

Маалыматтарга караганда, мамлекеттик дүкөндөрдө нандын баасы базардагыга караганда он эсе арзан. Ун жана азык-түлүк жетишсиз болуп жаткан маалда мамлекеттик дүкөндөрдүн алдында узун кезекте тургандар адатта көп.

Редакцияга түшкөн видеодо нанга кезекте жүздөгөн адам, анын ичинде балдар турганын көрүүгө болот. Нан дүкөнгө таңкы беште түшөт.

Жазында "Азаттыктын" түркмөн кызматы кабарлагандай, аймак жетекчилери президент Гурбангулы Бердымухамедовдун беделине доо кетирбеш үчүн дүкөндөрдүн алдына кезекке турууга тыюу салган.

Түркмөнстан соңку жылдары терең экономикалык кризистен чыгалбай келет. Бийлик муну четке кагып жүрөт.

Facebook шеринеси

XS
SM
MD
LG