Линктер

ЧУКУЛ КАБАР!
20-Январь, 2022 бейшемби, Бишкек убактысы 11:18

Анкарада кыргыз-түрк дипломатиялык алакасынын 30 жылдыгы белгиленди


Элчи Кубанычбек Өмүралиев ANKASAM аналитикалык борборунда.

Түркияда кыргыз-түрк дипломатиялык кызматташтыгынын 30 жылдыгына арналган жыйын өткөнүн 18-декабрда “Азаттык” радиосуна Кыргызстандын Түркиядагы элчилиги кабарлады.

Кризистик кырдаалдарды жана саясатты изилдөө боюнча Анкара борборунда (ANKASAM) уюштурулган жыйынга элчи Кубанычбек Өмүралиев, окумуштуулар, түркиялык дипломаттар, эксперттер, журналистер жана бул аналитикалык борбордун жамааты катышты. Анда эки өлкөнүн кызматташтыгынын азыркы абалы жана келечеги, тарыхы талкууланды.

Түркия Кыргызстан 1991-жылдын 31-августунда эгемендик алгандан кийин дипломатиялык алака түзгөн алгачкы мамлекеттердин катарына кирет. Бул өлкөдө учурда 25 миңдей кыргызстандык мигрант жашап, эмгектенет. Кыргызстандын эгемендигинин 30 жылдыгына карата Түркияда буга чейин да бир катар иш-чаралар уюштурулган. (ElB)

Facebook шеринеси

XS
SM
MD
LG