Улуттук коопсуздук боюнча мамлекеттик комитеттин (УКМК) төрагасы Камчыбек Ташиев пневмония болуп Бишкектеги республикалык инфекциялык ооруканада дарыланып жатат. Бул тууралуу 5-январда Саламаттык сактоо министрлиги билдирди.
Мекеменин маалыматына караганда, атайын кызматтын башчысынын абалы канааттандырарлык, дарыгерлердин консилиуму өткөрүлүп, дарылоо жүргүзүлүп жатат. Коронавируска тапшырган анализи таза чыкты.
Ташиев пневмония болуп 2020-жылдын июль айында да ооруган.
2021-жылдын февралында ал Германиянын борбору Берлин шаарындагы клиникалардын биринде жүрөгүнөн операция болгону айтылган. (RK)
