Линктер

ЧУКУЛ КАБАР!
15-Июль, 2024-жыл, дүйшөмбү, Бишкек убактысы 05:17

Акылбек Жапаров Бишкекке тез арада автобус сатып алууну тапшырды


Акылбек Жапаров жана Бакыт Төрөбаев.
Акылбек Жапаров жана Бакыт Төрөбаев.

Бишкек шаарына жүргүнчүлөрдү ташуучу автобустарды сатып алуу маселеси кыска мөөнөттө чечилиши керек. Бул тууралуу Министрлер кабинетинин төрагасы Акылбек Жапаров өкмөттүн кеңешмесинде билдирди.

Жапаровдун айтуусунда, Бишкек шаарына жүргүнчүлөрдү ташуучу автобустарды сатып алуу үчүн бюджеттен акча бөлүнгөнү менен маселе чечилбей турат. Мындан улам шаар тургундары кыйынчылык тартып жатканын да айтты.

Бишкек мэриясынын эсебине ылайык, баш калаага 1700 автобус зарыл, азыр каттамга жүзгө жетпегени чыгат.

Европа реконструкциялоо жана өнүктүрүү банкы (ЕРӨБ) ушул жылы автобустарды сатып алуу үчүн 25 млн. евро өлчөмүндө жеңилдетилген насыя берген.

Кыргызстанда коомдук автоунаа маселеси - орчундуу көйгөйлөрдүн бири. Тейлөөнүн сапатына жана транспорттун жетишсиздигине байланыштуу бир нече жолу нааразылык акциялары өткөн.

Facebook шеринеси

XS
SM
MD
LG