Ат-Башы районундагы Ак-Сай өрөөнүнө барчу Кында ашуусуна түшкөн кар көчкү толугу менен тазаланып, жол ачылды. Бул тууралуу президенттин Нарын облусундагы ыйгарым укуктуу өкүлчүлүгүнүн маалымат кызматы 13-апрелде билдирди.
Облустук бийликтин маалыматына ылайык, жол ачылганы менен кар көчкү түшүү коркунучу сакталып турат.
Өткөн айда аталган кыштоого бир метрдей кар жаап, жол жабылып калган.
Ак-Сай өрөөнүндө Ат-Башы районуна тиешелүү кыштоолордо 79 түтүн малчы бар. Алардын үй-бүлө мүчөлөрү менен жалпы 179 жан болсо, анын ичинен 56сы балдар.
Атбашылыктар Өзгөчө кырдаалдар министрлигинен жана облустук бийликтен жардам сурап кайрылышкан. (JsA)
Дагы караңыз
