Латвия Сейми 9-майды фашизмди жеңген күн эмес, Орусиянын Украинадагы согуштук агрессиясынын курмандыктарын эскерүү күнү деп белгиледи.
Бул күнү өлкө боюнча аза күтүү жарыяланып, бардык майрамдарга тыюу салынат.
Буга чейин 9-май Ригада "Советтик армиянын жоокерлери — Советтик Латвияны фашисттик баскынчылардан бошоткондорго" арналган мемориалдык комплексинин жанында майрамдалып келген.
Иш-чарага он миңдеген адамдар катышып, орусиялык артисттер концерт беришчү.
"Эми 9-майда Латвияда мындай болбойт", - деп айтылат Сеймдин депутаттары кабыл алган мыйзамда. (SE)
