Монголиянын Улан-Батор шаарында 19-24-апрелде өткөн күрөш боюнча Азия чемпионатында Кыргызстандын балбандары төрт алтын, үч күмүш жана сегиз коло байгеге ээ болушту. “Азаттыктын” "Ак сөз" подкастында аталган чемпионаттын жыйынтыгын талкууладык. Талкууга эркин күрөш боюнча СССРдин жана Кыргызстандын эмгек сиңирген машыктыруучусу Жеңиш Дөңбаев, Олимпиадалык спорт түрлөрү боюнча дирекциянын жетекчиси Нурланбек Исмаилов, Кыргызстандын күрөш федерациясынын мүчөсү Талант Жекшенов жана Кыргызстандын грек-рим күрөшү боюнча улуттук курама командасынын улук машыктыруучусу Улукбек Карачолоков катышты.