Токмок шаарында 2-июнда кызга чагылган тийип каза болду. Чагылган дагы эки окуучуга тийген, учурда алар ооруканада. Маалыматты Саламаттык сактоо министрлиги тастыктады. Ооруканадагы балдардын абалы туруктуу.
Саламаттык сактоо министрлигинен окуянын чоо-жайы кенен айтылган жок.
Кыргызстанда чагылган тийип каза болгон учурлар катталып турат. Өткөн жылы июль айында Оштун Кара-Суу районунан 13 жашар бала каза болгон. Ага чейин май айында Ысык-Көл облусунда 25 жаштагы жигит мал кайтарып жүргөндө чагылган уруп каза болгон. (TSh)
Facebook шеринеси