Линктер

ЧУКУЛ КАБАР!
20-Май, 2024-жыл, дүйшөмбү, Бишкек убактысы 03:20

Бишкек-Ташкент: Кыргыз-өзбек саясий кызматташтыгы талкууланды


Иллюстрациялык сүрөт.
Иллюстрациялык сүрөт.

Кыргызстан менен Өзбекстандын президенттеринин пландалып жаткан сапары жана жакында боло турган тышкы саясий жолугушуулары талкууланып жатканын Кыргызстандын Тышкы иштер министрлиги (ТИМ) билдирди. Мекеменин маалыматына караганда, 3-июнда министрдин биринчи орун басары Нуран Ниязалиев Өзбекстандын тышкы иштер министринин орун басары Фуркат Сидиков менен видео аркылуу байланышып, эки тараптуу кызматташтыкты жана буга чейин кабыл алынган келишимдердин ишке ашуусун талкуулады.

“Өзгөчө көңүл жогорку деңгээлдеги сапарларга бөлүндү, Тышкы иштер министрликтеринин ортосундагы саясий консультациялардын жакын арада боло турган кезектеги раундунун мазмуну жана уюштуруу жагы талкууланды” деп билдирди мекеме. Пландалып жаткан иш-чаралардын так мөөнөтү айтылган жок.

Өзбекстандын президенти Шавкат Мирзиёев 26-майда Бишкекте өткөн алгачкы Евразия экономикалык форумуна келип катышары пландалган, бирок форум онлайн форматта өттү, өзбек лидери Кыргызстанга келген жок.

Президент Садыр Жапаров Ташкентке алгачкы мамлекеттик сапар менен 2021-жылы март айында барып келген. Жыйынтыгында эки тараптуу кызматташтыкты өнүктүрүүгө багытталган 22 документке кол коюлган. Президенттер ортодогу мамлекеттик чек ара маселесин эң кеч дегенде үч айда чечерин айтышкан.

Кыргызстан менен Өзбекстандын ортосундагы чек аранын узундугу 1378 чакырым. 2017-жылкы макулдашуунун негизинде чек ара сызыгынын 1170 чакырымы (85%), ошондон бери 13% жакыны такталганы 2021-жылдын февралында расмий айтылган. (RK)

Facebook шеринеси

XS
SM
MD
LG