Депутат Дастан Бекешевдин социалдык тармактагы жазган маалыматы боюнча мурдагы премьер-министр Данияр Үсөнов 2005-жылы Ысык-Ата районунда алган 20 гектар жер жакында мамлекетке кайтарылды.
Бекешевдин айтымында, «Прайм-Строй» деп аталган компания жерди бекер алган. Ошол эле 2005-жылы Казакстандын «Темирбанкы» менен келишим түзүлүп, жер күрөөгө коюлуп, «Прайм-Строй» жылдык үстөгү 21 пайыз менен 6 миллион доллар каражатты үч жылга алган.
«Прайм-Строй» үй курмак, бирок антпей акча тапты, эми жерди мамлекетке кайтаруу адилеттик болот», - дейт Дастан Бекешев.
Анын пикиринде, жер 2022-жылдын март айында соттун чечими менен кайтарылган.
Мамлекеттик органдар бул боюнча эч кандай маалымат бере элек.
Данияр Үсөнов премьер-министрлик кызматтан 2010-жылдын апрель окуяларынан кийин кеткен. Ал оор кылмыштар үчүн айыпталып, өмүрүнүн акырына чейин сыртынан абакка кесилген. Кийин ал Даниил Урицкий деген ат менен Беларуста иш жүргүзүп келет.
Facebook шеринеси