Төлөбек Абдырахманов Жусуп Баласагын атындагы Кыргыз улуттук университетинин ректору болуп дайындалды. Тийиштүү жарлыкка президент Садыр Жапаров кол койгонун мамлекет башчынын басма сөз кызматы кабарлады.
Аталган окуу жайын 2017-жылдан тартып Канат Садыков жетектеп келген.
Ал эми Абдырахманов Ишенаалы Арабаев атындагы Кыргыз мамлекеттик университетинин ректору кызматын аркалаган.
Президент Садыр Жапаровдун 18-июлда кол койгон жарлыгына ылайык, беш жогорку окуу жайына өзгөчө макам берилген. Алардын арасында Жусуп Баласагын атындагы Кыргыз улуттук университети дагы бар. (КЕ)
