Кытай ишкерлери Кыргызстандан бал, сүт азыктарын жана алкоголдук ичимдиктерди импорттоого кызыкдар. Бул тууралуу 26-октябрда Кытайдын Бишкектеги элчилигинин өкүлү Ли Юе Кыргызстандын инвестициялар агенттигинин башчысы Умбриэл Темиралиев менен жолуккан учурда билдирди.
Жолугушууда Кытай менен Кыргызстандын соода-экономикалык кызматташтыгын арбытуу тууралуу сөз болду.
Темиралиев соода мамилесинин масштабын кеңейтип, эки тараптын тең кызыкчылыгында болгон соода-экономикалык кызматташтыкты өнүктүрүү менен бирге кыргыз товарларын Кытайга экспорттоону көбөйтүү - Инвестиция агенттигинин максаты экенин билдирди.
Ли Юе Кытай базарларында Кыргызстандын товарлары таанымал жана суроо-талапка ээ экенин айтып, ишкерлер кызматташууга кызыкдарлыгын белгиледи.
Жыйынтыгында эки өлкөнүн ишкерлери кызматташуунун оңой жана пайдалуу жолдорун таба ала турган аянтчаларды түзүүнү макулдашты.
Facebook шеринеси