Линктер

ЧУКУЛ КАБАР!
27-Январь, 2023-жыл, жума, Бишкек убактысы 13:33

Москвада күйүп кеткен имараттан сегиз кишинин сөөгү табылды


Иллюстрация.

Москванын борборунда күйүп кеткен имараттын урандыларынын астынан сегиз адамдын сөөгү табылды. Бул тууралуу Өзгөчө кырдаалдар кызматы билдирип, дагы жети киши куткарылганын кабарлады.

Жекшемби күнү түштөн кийин Каланчевская аянтына жакын жайгашкан эки кабаттуу имаратта ири өрт чыккан. Ал жерде эмерек, чырак жана гүл дүкөнүнүн кампасы жайгашкан. Өрттүн жалпы аянты 2500 чарчы метрди түзгөн.

Өрттү өчүрүүгө 42 техника, анын ичинде үч тик учак жана бир өрт өчүрүүчү поезд тартылган. Куткаруучулар жалын менен беш сааттан ашык күрөшкөн. Имарат толугу менен күйүп, кабаттар ортосундагы шыптары урап түшкөн.

Тергөө комитети кылмыш ишин козгоду. Тергөөчүлөр кампада товар туура эмес сакталып, өрт коопсуздук эрежелери да бузулганын аныкташкан.

Facebook шеринеси

XS
SM
MD
LG