Ооганстандын талибдер башкарган өкмөтү аялдардын университеттерде окуусуна тыюу салды. БУУнун баш катчысынын Ооганстан боюнча атайын өкүлү Роза Отунбаева Коопсуздук кеңешинде Кабулдагы бийлик аялдарга басым-кысымды күчөткөнүнө токтолду. Кемпир-Абад иши боюнча камакта жаткан саясатчы, активисттердин адвокаттары тергөөдө Конституция жана мыйзамдар бузулганын билдирип, муну саясий иш деп баалашты. Кыргызстанда баш-аягы тогуз турак жай кооперативдеринин жетекчилери кармалды. Аларга каражат салгандардын көбү үй ала албай же акчасын кайтара албай жүрүшөт.