Өзбекстандын Термиз мамлекеттик университетине караштуу лицейдин от казаны жарылып, эки кишинин өмүрү кыйылды. Экөө тең окуу жайдын кызматкерлери эле.
Окуя 16-январда болгонун Сурхандарыя облустук акимчилиги кабарлады. Жарылууга от казанга сырттан келген түтүктөгү суу тоңуп калып, буу көбөйүп кеткени себеп болгону айтылды. Прокуратура кылмыш ишин козгоп, иликтөө жүргүзүп жатат.
Бир күн мурун Сырдарыя облусунун Ховос районундагы эки кабаттуу үйдө да ушундай жарылуу болуп, эки киши жарыкчылык менен кош айтышкан. Бир канча тургун жараат алган.
Бир аптадан бери дээрлик -30 градуска чейин жеткен ызгаарда Өзбекстан энергетикалык каатчылыкка капталды.
Facebook шеринеси