Линктер

ЧУКУЛ КАБАР!
21-Апрель, 2024-жыл, жекшемби, Бишкек убактысы 07:25

Көчкүлөрдү атып түшүрүү уланат, айрым жолдордо чектөө болот


Кар көчкү. Ош-Бишкек жолу. Сүрөт ӨКМден алынды. 2023, 18-февраль.
Кар көчкү. Ош-Бишкек жолу. Сүрөт ӨКМден алынды. 2023, 18-февраль.

Бүгүн, 20-февралда Бишкек-Нарын-Торугарт автоунаа жолунда кар көчкү атып түшүрүлүп, тазалоо иштери улантылды. Жол кечки саат 18:00дөн эртең мененки 9:00гө чейин убактылуу ачылат. Бул тууралуу президенттин Нарын облусундагы өкүлчүлүгү кабарлады.

Бишкек-Нарын-Торугарт жолу 21-февралда убактылуу кайра жабылат. Жергиликтүү бийлик айдоочуларды өтө зарыл жумуш болбосо жолго чыкпай турууга чакырды.

Өзгөчө кырдаалдар министрлиги бүгүн Бишкек-Ош жолунда кар көчкүлөрдү атып түшүрүү иштери жүргүзүлгөнүн, ал 22-февралда дагы уланарын билдирди. Өткөн аптада жааган калың кардан өлкөдөгү айрым жолдор, ашуулар жабылган. Учурда тазалоо иштери жүрүп жатат.

Кыргызгидромет борбору 16-19-февралга чейин күтүлүп жаткан жаан-чачынга байланыштуу тоолуу райондордо кар көчкү түшүү ыктымалдыгын кабарлаган. Өткөн аптада тоолуу аймактарда калың кар түштү. ӨКМ кооптуу аймакта жашаган жарандарга эскертүү берүүдө. (TSh)

Facebook шеринеси

XS
SM
MD
LG