27-февралда саат 5:58де Ысык-Көл облусунда күчү очогунда 5 баллга жеткен жер титирөө катталды. Бул тууралуу Өзгөчө кырдаалдар министрлигинин басма сөз кызматы билдирди. Мекеме анын очогу кайсы жерде жайгашканын тактаган жок.
Жер титирөө Ак-Суу районунун Таш-Короо, Эңилчек, Кургак айылдарында үч жарым балл, Кең-Суу, Эчкили-Таш айылдарында үч баллга чейин сезилген. Баштапкы маалыматтарга караганда, силкинүүдөн жабыркагандар жок.
Былтыр 28-декабрда Ысык-Көл облусунун Кытай менен чектеш аймагында күчү алты баллга жеткен жер титирөө катталган. Андан жабыркагандар жана кыйроолор болгон эмес. (TAb)
